Author: Daniel K.

ОТВОРЕН ПОВИК за изразување на интерес за членување на еден претставник од заинтересирани граѓански организации во Советот за координација и следење на Националниот акциски план за Партнерство за отворена власт 2024-2026 година

Posted on by Daniel K.

Преземи документ

Партнерство за отворена власт (ПОВ)[1] претставува доброволна меѓународна иницијатива која цели кон креирање и спроведување конкретни заложби од страна на владите кон нивните граѓани, за да промовираат транспарентност, да го поттикнат граѓанското учество, борбата против корупцијата и искористувањето на новите технологии со цел да се зајакне доброто владеење/управување.

Граѓанскиот сектор акумулира огромна креативна енергија која треба да се користи п(р)оактивно во јавниот сектор преку подобрување и негување на културата на вклученост и почитување на правата на сите граѓани во процесот на креирање политики и носење одлуки, закони и пристап до информации.

Мрежата на граѓански организации за Партнерство за отворена власт (во натамошниот текст Мрежа за ПОВ) се залага за воспоставување структура за координација на процесот на ПОВ во Северна Македонија соодветно на меѓународното искуство, со цел подобрување на комуникацијата на сите вклучени страни и зајакнување на мониторингот и евалуацијата на активностите. Мрежата за ПОВ континуирано учествува и придонесува за воспоставување структура за координација и мониторинг на развојот и спроведувањето на Националниот акциски план за Партнерство за отворена власт 2024-2026 година (во натамошниот текст: НАП за ПОВ 2024-2026 година).

 

Оттука, врз основа на член 55 став (1) од Законот за организација и работа на органите на државната управа („Службен весник на Република Македонија“ бр. 58/00, 44/02, 82/08, 167/10, 51/11 и „Службен весник на Република Северна Македонија“ бр. 6/19 и 110/19), а во врска со Насоките за управување и учество во иницијативата за Партнерство за отворена власт и Стандардите за ко-креирање и дизајнирање на форум со повеќе засегнати страни, Министерот за информатичко општество и администрација донесе Упатство за начинот на формирање и работа на Советот за координација и следење на процесот на Партнерството за отворена власт број 16-4844/1, 20.12.2021 година и Упатство за изменување и дополнување на Упатството за начинот на формирање и работа на Советот за координација и следење на процесот на Партнерството за отворена власт број 16-1335/1 од 11.03.2024 година.

 

Согласно член 13 од Упатството за начинот на формирање и работа на Советот за координација и следење на процесот на Партнерството за отворена власт, врз чија основа Мрежата на граѓански организации за Партнерство за отворена власт отпочнува постапка за објавување повик за избор на нов член и заменик на испразнетото место:

 

 

 

 

 

ОТВОРЕН ПОВИК

за изразување на интерес за членување на еден претставник од заинтересирани граѓански организации во Советот за координација и следење на Националниот акциски план за Партнерство за отворена власт 2024-2026 година

 

Отворениот повик треба да овозможи пријавување на 1 (еден)[2] претставник од заинтересирани граѓански организации кои ги споделуваат вредностите на Партнерството за отворена власт и се залагаат за поголема партиципативност, отвореност и отчетност на властите и ги применуваат тие принципи во своето работење, за нивно учество во Советот за координација и следење на Националниот акциски план за Партнерство за отворена власт 2024-2026 година (во натамошниот текст: Советот за ПОВ) при процесот на спроведување и следење на НАП за ПОВ 2024-2026 година.

 

Советот за ПОВ 2024-2026 година е советодавно тело за координација и следење на развојот и спроведувањето на акциските планови. Членувањето во Советот за ПОВ е доброволно и без надомест. Советот за ПОВ има клучна советодавна и одлучувачка улога во сите фази на процесот на ПОВ, низ циклусот на планирање, во развојот на НАП и во спроведувањето, следењето и известувањето за НАП. Совет за ПОВ се формира за да се поттикне транспарентноста и отвореноста на работата на органите на државна управа, како и други институции на државната власт и да се поттикне учеството на граѓанското општество во спроведувањето и следењето на иницијативата ПОВ во Република Северна Македонија; да се обезбеди меѓусекторска соработка и да се воспостават јасни, структурирани и трајни механизми за постојан дијалог меѓу властите и граѓанското општество; да се зголеми учеството на граѓанското општество во процесите на ПОВ и во подготовката на акциските планови за ПОВ и за поддршка, поттикнување и следење на спроведувањето на тековниот акциски план.

 

Преку членство во Советот за ПОВ пријавените учесници ќе можат да обезбедат свој придонес при спроведување и следење на заложбите во состав на петте приоритетни области од НАП за ПОВ 2024-2026: Борба против корупцијата; Партиципативно донесување одлуки и граѓанско учество; Правно зајакнување и пристап до правда; Развој и користење на дигитални технологии; Унапредување на активностите за климатски промени и да влијаат во процесот за нивна навремена, непречена и успешна реализација, како и на заложбите во состав на Акциските планови на Отворено судство и Отворен парламент 2024-2026 година.

Со овој повик се покануваат сите заинтересирани граѓански организации формирани согласно Законот за здруженија и фондации („Службен весник на Република  Македонија“ бр. 52/10, 135/11 55/16 и („Службен весник на Република Северна Македонија“ бр. 239/22) да се пријават преку доставување на приложената пријава и потребните документи* со кои се докажува исполнувањето на критериумите.

Рокот за поднесување на пријавите е 27 мај (вторник) 2025 година.

 

 

Пријавувањето за членство во Совет за координација и следење на НАП за ПОВ 2024-2026 година се врши по електронски пат, со доставување на пополнета пријава и потребните документи* на следната електронска адреса: danche@metamorphosis.org.mk

 

Отворениот повик се објавува на веб страницата www.ovp.gov.mk.

 

Јавниот повик се објавува најдоцна седум дена по добивање на информацијата за испразнети места, а изборот на членовите на Советот за ПОВ за пополнување на испразнетите места на претставници на граѓанските организации се врши од страна на Мрежата на граѓански организации за Партнерство за отворена власт најдоцна 40 дена од објавување на повикот. По разгледување на пријавите од страна на Мрежата за ПОВ, организациите кои изразиле интерес за членство во Советот за ПОВ ќе бидат информирани за процесот и избраниот член и заменик член.

 

 

ПРИЈАВА

за изразување интерес за членство во Советот за координација и следење на Националниот акциски план за Партнерство за отворена власт 2024-2026 година

I Основни податоци за организацијата:

 

Назив на организацијата: …………………………………………………………………..

Скратен назив: ………………………………………………

Адреса/општина: ………………………………………………………………………………

Контакт информации (телефон, е-адреса): ………………………………………………………………………

Интернет страница:  …………………………………………

 

II Претставници на вашата организација во Советот за ПОВ

 

Претставник/претставничка на организацијата во Советот за ПОВ

Име и презиме: ……………………………………………………………….

Функција/позиција: ……………………………………………………………….         

Телефон: ……………………………………………………………….

Е-пошта: ……………………………………………………………….

Накратко дадете опис на Вашето искуството во областа (наведете референца или линк од некој документ или веб-страна, референца од конкретен извештај, анализа или слично)

 

Која е вашата мотивација за членство во Советот за ПОВ?

 

Што очекувате дека можете да добиете како член на Советот за ПОВ, а што можете да понудите?

(до 200 збора)

…………………………………………………………………………………….

 

Заменик претставник/претставничка на организацијата во Советот за ПОВ

Име и презиме: ……………………………………………………………….

Функција/позиција: ……………………………………………………………….        

Телефон: ……………………………………………………………….

Е-пошта: ……………………………………………………………….

Накратко дадете опис на Вашето искуството во областа (наведете референца или линк од некој документ или веб-страна, референца од конкретен извештај, анализа или слично)

 

Која е вашата мотивација за членство во Советот за ПОВ?

 

Што очекувате дека можете да добиете како член на Советот за ПОВ, а што можете да понудите?

(до 200 збора)

…………………………………………………………………………………….

 

 

III Критериуми за членство

 

Изјави за интерес и поддршка

Организацијата изразува интерес за учество во Советот за ПОВ;

Организацијата е формален субјект регистриран во земјата согласно Законот за здруженија и фондации, на …………………………………… (датум на регистрација);

Организацијата ја поддржува Декларацијата за Партнерство за отворена власт;

Организацијата ги споделува основните вредности на Партнерство за отворена власт:

  • партиципативност
  • отвореност и
  • отчетност

и истите ги применува во својата работа и се залага да бидат применети од страна на соработниците, партнерите, донаторите, грантистите и институциите на локално и централно ниво.

 

Области

Организацијата активно работи, со фокус на следните области: ……………………………………………… (области на дејствување).

Организацијата изразува интерес за вклученост во активности на Советот во следните области на ПОВ, во кои има знаење и искуство:

 

граѓанско учество во креирање на јавните политики;

застапување за транспарентост на властите (на локално или централно ниво);

застапување за отчетност на властите (на локално или централно ниво).

 

 

Кандидатите за членови и заменици на Советот за ПОВ кои ги претставуваат граѓанските организации треба да:

 

се дел од организација која е регистрирана согласно Законот за здруженија и фондации („Службен весник на Република Македонија“ бр. 52/10, 135/11 55/16 и („Службен весник на Република Северна Македонија“ бр. 239/22) најмалку пет години, а која делувала најмалку пет години во барем една од областите кои се дел од заложбите на Националниот акциски план за Партнерство за отворена власт;

имаат лично искуство од најмалку пет години во барем една од областите (примарна област за кандидатот) кои се дел од заложбите на Националниот акциски план за Партнерство за отворена власт;

учествувале во барем еден циклус на креирање на Националниот акциски план за ПОВ преку работните групи за ПОВ;

не се членови на органи на политичка партија;

не се избрани или именувани лица, и

не се вработени во институциите на државната власт.

 

Се смета за предност доколку кандидатот има лично искуство од најмалку три години во повеќе од една од областите кои се дел од заложбите на Националниот акциски план за Партнерство за отворена власт за кој се формира Советот за ПОВ, односно доколку кандидатот има најмалку три години искуство во секундарна област опфатена со заложбите.

 

*Потребни документи со кои се докажува исполнувањето на критериумите и кои треба да бидат доставени заедно со пријавата за членство во Советот за координација и следење на Националниот акциски план за Партнерство за отворена власт 2024-2026 година:

  • Годишен извештај за работата на граѓанската организација од минатата година (2024г.);
  • Тековна состојба на граѓанската организација (не постара од 6 месеци);
  • Статут на граѓанската организација;
  • Кратка биографија на кандидатите за членови и заменици на Советот за ПОВ;
  • Изјава од кандидатите за членови и заменици на Советот за ПОВ дека не се членови на органи на политичка партија, не се избрани или именувани лица и не се вработени во институциите на државната власт.

 

За спроведениот отворен повик, Координаторот на Мрежата за ПОВ доставува информација, придружена со записник од постапката за избор и кандидирање на членови на Советот за ПОВ кои ќе ги претставуваат граѓанските организации до Националниот координатор за ПОВ, како и избрани членови на Советот за ПОВ кои ќе ги претставуваат граѓанските организации. Информација за избраниот член и заменик член на Советот за ПОВ што ќе ги претставуваат граѓанските организации се објавува на веб страницата www.ovp.gov.mk

Доколку по спроведување на отворениот повик не се пополни 1 (едно) место за член и заменик член на Советот за ПОВ, Мрежата за ПОВ повторно распишува повик за избор на членови и за тоа го известува Националниот координатор за ПОВ.

 

[1] Со прифаќање на НАП5 2021-2023 г. од страна на Владата на Република Северна Македонија, Отвореното владино партнерство (ОВП) се преименува во Партнерство за отворена власт (ПОВ).

 

[2] Согласно член 5 од Упатството за начинот на формирање и работа на Советот за координација и следење на процесот на Партнерството за отворена власт број 16-4844/1 од 20.12.2021 година и Упатството за изменување и дополнување на Упатството за начинот на формирање и работа на Советот за координација и следење на процесот на Партнерството за отворена власт број 16-1335/1 од 11.03.2024 г, Советот за ПОВ е составен од 16  члена со еднаков број членови од институциите и од граѓанското општество.

 

Министерот за јавна администрација: Отвореното владеење е нашата најсилна алатка за демократија и европска трансформација

Posted on by Daniel K.

Денес, по повод одржувањето на Петтата седница на Советот за координација и следење на процесот на Партнерството за отворена власт 2024–2026, министерот за јавна администрација, Горан Минчев, им се обрати на присутните членови на Советот и претставниците на меѓународниот Секретаријат на Партнерството за отворена власт, кои се во официјална посета на Република Македонија.

Во своето обраќање, министерот Минчев потенцираше дека симболиката на 9 Мај – Денот на Европа и Денот на победата над фашизмот – е силна потврда за вредностите кои ги делиме: демократија, транспарентност, човекови права и отпор кон сите форми на угнетување.

„Овие вредности се темел на нашата заложба за отворено владеење и се нераскинливо поврзани со нашата европска определба“ – изјави Минчев.

Министерот истакна дека Владата останува цврсто определена кон европскиот пат, не само како геополитичка ориентација, туку како суштинска трансформација на општеството, при што отвореното владеење е клучниот механизам за зголемување на довербата и одговорноста на институциите.

Тој ја поздрави посетата на претставниците од меѓународниот Секретаријат како значаен сигнал за довербата што Република Македонија ја ужива во рамките на глобалната иницијатива. На средбите со нив, како што посочи, се разговараше за предизвиците и идните насоки на реформскиот процес, вклучително и за иницијативата за одржување посебна владина седница посветена на Партнерството за отворена власт – јасен доказ за политичката волја за отчетност.

Во рамките на седницата се разгледуваше имплементацијата на Акцискиот план 2024–2026 и се отворија прашања за понатамошно унапредување на јавната администрација, јакнење на граѓанскиот простор и борба против корупцијата. Министерот Минчев посебно го поздрави ангажманот на работната група за транспарентност во јавните набавки и ја нагласи важноста од споделување добри практики на претстојниот Глобален самит на Партнерството.

Во тој контекст, беше истакнато и вклучувањето на пратеници од Собранието на Република Македонија во активностите за унапредување на отвореноста, преку одржувањето на парламентарниот караван во Ресен – како една од веќе реализираните активности предвидени во Акцискиот план за отворен парламент. Оваа иницијатива претставува конкретен пример за доближување на пратениците до граѓаните и зголемување на отчетноста на законодавната власт.

„Отвореното владеење не е само обврска – тоа е одлука, цел и вредност што ја споделуваме. Денешната седница ја гледам како уште една мала победа – победа на отвореноста, дијалогот и демократијата“ – заклучи министерот Минчев.

 

Посета на претставници на Секретаријатот на Партнерство за отворена власт

Posted on by Daniel K.
ВД Претседателот на Врховниот суд на Република Северна Македонија д-р Џемали Саити на ден 07.05.2025 година оствари средба со претставници на Секретаријатот за ПОВ г-дин Пол Брејтвејт, регионален лидер за Европа, Сандра Пернар, виш регионален координатор за Европа-, Метју Трамонти, службеник за истражување -Независен механизам за известување и Гордана Гапиќ Димитровска, Национален координатор за ПОВ-Министерство за јавна администрација. На средбата присуствуваше и Жарко Хаџи -Зафиров, ко-претседател, претставник на граѓанските организации во Советот за отворено судство.

          

На средбата, ВД Претседателот говореше за активностите на Врховниот суд на Република Северна Македонија кои обезбедуваат отвореност на судот, подобрување на електронскиот судски портал, подобрување на односите со јавноста, квалитетот и достапноста на податоците и информациите, како дел од заложбите на Советот за отворено судство во согласност со Декларацијата за отворено судство. Беа споделени информации за состојбата во исполнување на заложбите од Акцискиот план на Советот за отворено судство 2024-2026 година, потребата од дефинирање на приоритети, но и за потребата од финансиска поддршка во остварување на зацртаните цели и заложби на Советот.

         

На крајот на средбата беше нагласено значењето за вклученоста на судската власт во глобалната иницијатива на Партнерството за отворена власт, со цел обезбедување квалитетни јавни услуги за граѓаните, во чија служба е судството.

            

Средба на потпретседателот на Собранието Антонијо Милошоски со претставници од Секретаријатот на Партнерството за отворена власт

Posted on by Daniel K.

Денес во Собранието се одржа средба на потпретседателот Антонијо Милошоски со  г. Пол Брејтвејт, регионален лидер за Европа- од Партнерството за отворена власт (ПОВ), г-а Сандра Пернар, виш регионален координатор за Европа од ПОВ и г. Метју Трамонти, службеник за истражување -Независен механизам за известување, Гордана Гапиќ Димитровска, Национален координатор за ПОВ-Министерство за јавна администрација, г. Бобан Стојаноски – заменик генерален секретар на Собранието и Златко Атанасов – раководител на Парламентарниот институт.

Средбата е во врска со спроведувањето на ПОВ процесот во државата и на Акцискиот план на Собранието кон Партнерството за отворена власт https://www.sobranie.mk/akciski-plan-pov.nspx .

На состанокот се нагласи значењето за транспарентноста и пристапноста на институциите, и беа позитивно оценети континуитетот и напорите на државата во спроведување на националниот план.

Собранието останува посветено на преземените заложби во својот Акциски план кои подразбираат:

  • Развој на електронски регистар на регулаторни тела и други именувања и назначувања од Собранието, јавен, доста и пребарлива за користење и информирање на граѓаните, граѓанските организации, академските институции и други;
  • Информирање на јавноста со нови содржини на Собранискиот ТВ канал, што ќе овозможи подобри и повеќе информации за јавноста за законодавната власт;
  • Собранието во својата надзорна надлежност да спроведе надзорна расправа за спроведувањето на Националниот план на државата кон Партнерството за отворена власт;
  • Спроведување на Парламентарен караван во општините каде се избрани пратениците, со цел да се овозможи директна комуникација со граѓаните.

Партнерството за отворена власт нуди модел за планирање на мерки и заложби од институциите за реформи, во две годишни акциски планови, заедно со граѓаните и организациите во општеството, со надворешен механизам за следење на спроведување на активностите на законодавната, извршната и судската власт.

 

Одржан работен состанок со високи претставници од Секретаријатот за Партнерство за отворена власт (ПОВ)

Posted on by Daniel K.
Министерот за јавна администрација, Горан Минчев, денеска оствари работен состанок со високи претставници од Секретаријатот за Партнерство за отворена власт (ПОВ), Пол Брејтвејт, регионален лидер за Европа, Сандра Пернар, регионален координатор за Европа и Метју Трамонти, службеник за истражување во Независниот механизам за известување.
Средбата се одржа во рамки на официјалната посета на делегацијата од Секретаријатот на ПОВ на Република Македонија, а разговорите беа фокусирани на продлабочување на партнерството, тековните реформски процеси и можностите за зајакнување на принципите на отворено владеење.
Министерот Минчев ја истакна поддршката за иницијативата за одржување владина седница посветена на ПОВ.
„Оваа седница ќе испрати силен сигнал за висока политичка заложба кон транспарентноста, отчетноста и вклученоста – вредности на кои Владата ја темели својата работа“ – посочи Минчев.
Според него, ваквиот формат ќе овозможи проценка на напредокот, дефинирање на идните чекори и отворање на дијалог за нови идеи и иницијативи.
Во разговорот беа нагласени и приоритетите на Министерството, кои се тесно поврзани со отвореното владеење – унапредување на пристапот до информации, транспарентност, отчетност и активно вклучување на јавноста во креирањето политики.
„Овие принципи не се паралелен процес, туку суштина на нашето секојдневно управување“ – рече Минчев.
Дополнително, се разговараше за реформата на јавната администрација како можност за зголемување на ефикасноста и довербата преку зајакнување на граѓанското учество и отворање на институциите кон јавноста. Министерот нагласи дека е потребно создавање простор за граѓанскиот сектор и воспоставување нови механизми за дијалог и соработка.
Во контекст на претстојниот Глобален самит за ПОВ што ќе се одржи во октомври, соговорниците разменија мислења за начините на кои Република Македонија може да ги презентира своите заложби и напредок во областите како што се антикорупција, дигитализација и партиципативно креирање политики.
Средбата потврди заедничка посветеност на вредностите на отвореното владеење како двигател на реформите и демократските процеси во земјата.

Одржана четвртата седница на Советот за координација и следење на процесот на Партнерството за отворена власт 2024-2026 година

Posted on by Daniel K.

Скопје, 28 април 2025

На 28 април 2025 година се одржа четвртата седница на Советот за координација и следење на процесот на Партнерството за отворена власт 2024–2026. На седницата беа разгледани, дискутирани и ставени на гласање клучни прашања од интерес за Советот и Партнерството. Согласно дневниот ред, на седницата  беа усвоени Нацрт-Извештајот за самооценка за статусот на имплементација на Националниот акциски план за Партнерство за отворена власт 2024–2026, за периодот февруари 2024 – февруари 2025 година и Предлог-Извештајот за присуството на членовите и нивните заменици на седниците на Советот.

Членовите на Советот беа информирани и за тековните состојби поврзани со Партнерството на национално и глобално ниво, како и за претстојната официјална посета на Секретаријатот за Партнерството за отворена власт на Република Северна Македонија, која ќе се реализира од 7 до 9 мај 2025 година.

 

 

 

 

На седницата активно учествуваа 13 членови и 1 заменик-член на Светот – претставник на органите на државната власт. Седницата ја организираше и со неа претседаваше Гордана Гапиќ Димитровска, национален координатор за Партнерството за отворена власт на Република Северна Македонија.

По усвојувањето на предлог-дневниот ред и записникот од третата седница (одржана на 23 декември 2024 година), членовите беа детално запознаени со наодите од Извештајот за самооценка. Според добиените податоци за областа „Отворена влада“, од вкупно 15 заложби, 12 се започнати и се со статус „ограничено“ додека 3 заложби сè уште не се започнати; за „Отворен парламент“, од 4 заложби, една е целосно реализирана, а три се со статус „ограничено“ и за „Отворено судство“, од 6 заложби, две се со статус „ограничено“, а четири не се започнати.

 

 

 

 

 

 

 

Советот заклучи со цел зголемување на динамиката за реализација на заложбите од Националниот акциски план за Партнерство за отворена власт 2024–2026 дека е потребна дополнителна ангажираност како на работните подгрупи, така и на врвното раководство во институциите кои се носители на поединечни заложби.  Советот го усвои Нацрт-Извештајот и препорача да се достави до Владата на Република Северна Македонија за разгледување.

Во рамки на втората точка од дневниот ред, Советот го разгледа Предлог-Извештајот за присуството на членовите и нивните заменици. Согласно Деловникот за работа на Советот за ПОВ, редовното присуство и активното учество на седниците е обврска на членовите на Советот. Врз основа на наодите од извештајот Советот констатираше дека поради три последователни отсуства во текот на една календарската година, престанува мандатот на членот на Советот од Министерството за финансии. Министерството за јавна администрација е задолжено да обезбеди нова номинација за член и заменик-член , а заменик-членовите задолжително да присуствуваат на седниците во отсуство на членовите.

Во однос на најавената посета на Секретаријатот за Партнерството за отворена власт, членовите на Советот беа информирани дека на 9 мај 2025 година ќе се одржи тематска седница. На оваа седницата, членовите и нивните заменици ќе имаат можност да се информираат за најновите случувања во рамки на Партнерството, преку презентација на Сандра Пернар, Виш регионален координатор за Европа, и да учествуваат на интерактивна работилница за спроведување на Независниот механизам за известување (IRM), предводена од Метју Трамонти, службеник за истражување при IRM.

 

 

 

 

 

 

 

 

 

 

 

 

 

 

 

* * *

 

Советот за координација и следење на процесот на Партнерството за отворена власт 2024-2026 е советодавно тело за Партнерство за отворена власт на Република Северна Македонија, за координација и следење на развојот и спроведувањето на акциските планови, со клучна советодавна и одлучувачка улога во сите фази на процесот на Партнерство за отворена власт, низ циклусот на планирање, во развојот на акциските планови и во спроведувањето, следењето и известувањето за акциските планови.

Советот за Партнерството за отворена власт е составен од 16 члена со еднаков број членови од институциите на државната власт и од граѓанското општество.

Советот за координација и следење на процесот на Партнерството за отворена власт и Работната група за спроведување на Националниот акциски план за Партнерство за отворена власт, формирани со решение од страна на министерот за информатичко општество и администрација ја претставуваат структурата за координација, следење и спроведување на процесот на Партнерство за отворена власт во Република Северна Македонија.

Партнерството за отворена власт е доброволна меѓународна иницијатива која цели кон обезбедување конкретни заложби од страна на владите кон нивните граѓани за да промовираат транспарентност, да го поттикнат граѓанското учество, борбата против корупцијата и искористувањето на новите технологии со цел да се зајакне доброто владеење/управување.

Нашата земја е членка на иницијативата од 2011 година и има усвоени шест национални акциски планови (во 2012, 2014, 2016, 2018, 2021 и 2024 година). Координатор на владините активности за Партнерството за отворена власт е Министерството за информатичко општество и администрација.

Одржан состанок со координаторите на работните подгрупи од Националниот акциски план за Партнерство за отворена власт 2024–2026

Posted on by Daniel K.

На 9 април 2025 година во просториите на Министерството за јавна администрација се одржа работен состанок со координаторите на работните подгрупи во рамки на Националниот акциски план за Партнерство за отворена власт 2024–2026. Целта на состанокот беше разгледување на тековната состојба со имплементацијата на заложбите и планирање на наредните активности.

 

На состанокот се разговараше за неколку клучни теми: потребата од навремено ажурирање на статусот на спроведување на заложбите од Акцискиот план, детална дискусија по поединечни заложби и нивната реализација во рамки на Годишниот извештај за самооценка (2024–2025), како и за претстојната обука за користење на порталот за Партнерство за отворена власт (www.ovp.gov.mk), наменета за членовите на работните подгрупи.

 

Дополнително, се дискутираше и за организацијата на Неделата на Партнерството за отворена власт, која ќе се одржи од 19 до 23 мај 2025 година. Договорено е сите заинтересирани страни да ги достават своите предлози за јавни настани до Министерството за јавна администрација, со цел соодветна координација и промоција на иницијативите за отворено владеење.

 

Одржана третата седница на Советот за координација и следење на процесот на Партнерството за отворена власт 2024-2026 година

Posted on by Daniel K.

Скопје, 23 декември 2024

 

На 23 декември 2024 година се одржа третата седница на Советот за координација и следење на процесот на Партнерството за отворена власт 2024-2026 година.

На самиот почеток на седницата, министерот за јавна администрација, Горан Минчев во своето поздравно обраќање, ја потврди важноста на Партнерството за отворена власт како стратешка иницијатива за модернизација на јавната администрација и за обезбедување поефикасна, транспарентна и отчетна влада, која е во служба на граѓаните и истакна дека Министерството за јавна администрација, како водечка институција во оваа иницијатива, ќе продолжи да ги обезбедува сите потребни ресурси и координација за успешна имплементација на заложбите од Националниот акциски план за Партнерство за отворена власт 2024-2026 година.

 

Согласно дневниот ред за работа, на седницата беа разгледани и дискутирани имплементацијата на Националниот акциски план за Партнерство за отворена власт 2024-2026 и членовите на Советот беа информирани за тековните состојби за Партнерството за отворена власт (ПОВ) на национално и глобално ниво.

На седницата активно учество земаа 12 членови/заменици членови на Советот,  претставници на органите на државната власт и граѓанските организации. Гордана Гапиќ Димитровска од Министерството за јавна администрација, Национален координатор за ПОВ и ко-претседател на Советот за ПОВ имаше улога на претседавач на оваа седница.

По усвојувањето на предлог-дневниот ред и усвојувањето на записникот од втората седница на  Советот одржана на 5.06.2024, членовите на Советот беа детално информирани во однос на активностите и предизвиците во текот на имплементацијата на Националниот акциски план за Партнерство за отворена власт 2024-2026 со поединечен осврт на Отворена влада, Отворен парламент и Отворено судство како и за процесот на подготовка на Извештајот за само-оценка со статусот на имплементација на Национален акциски план ПОВ (2024-2026 година), за периодот февруари 2024 – декември 2024 година. Дополнително со членовите на Советот се споделија главните информации произлезени од регионалниот состанокот за ПОВ- Западен Балкан 2024, одржан во Тирана, ноември 2024 година од страна на Aња Босилкова-Антовска од Балканската мрежа за развој на граѓанско општество, член на Советот за ПОВ и Герман Филков од Центар за граѓански комуникации, ко-претседател на Советот за ПОВ.

Во текот на дискусијата а согласно динамиката утврдена од Секретаријатот за ПОВ, се утврди  дека во првата половина од 2025 година ќе отпочне новиот процес на ко- креирање на седмиот по ред акциски план за Партнерство за отворена власт со што членовите на Советот ја изразија својата подготвеност на инклузивен и иновативен начин да се посветат во новиот циклус на подготовка. Беше заклучено дека следната седница ќе биде тематски посветена на утврдување на начинот и динамиката на подготовка на новиот двогодишен акциски план за ПОВ.

 

* * *

 

Советот за координација и следење на процесот на Партнерството за отворена власт 2024-2026 е советодавно тело за Партнерство за отворена власт на Република Северна Македонија, за координација и следење на развојот и спроведувањето на акциските планови, со клучна советодавна и одлучувачка улога во сите фази на процесот на Партнерство за отворена власт, низ циклусот на планирање, во развојот на акциските планови и во спроведувањето, следењето и известувањето за акциските планови.

Советот за Партнерството за отворена власт е составен од 16 члена со еднаков број членови од институциите на државната власт и од граѓанското општество.

 

 

Советот за координација и следење на процесот на Партнерството за отворена власт и Работната група за спроведување на Националниот акциски план за Партнерство за отворена власт, формирани со решение од страна на министерот за информатичко општество и администрација ја претставуваат структурата за координација, следење и спроведување на процесот на Партнерство за отворена власт во Република Северна Македонија.

Партнерството за отворена власт е доброволна меѓународна иницијатива која цели кон обезбедување конкретни заложби од страна на владите кон нивните граѓани за да промовираат транспарентност, да го поттикнат граѓанското учество, борбата против корупцијата и искористувањето на новите технологии со цел да се зајакне доброто владеење/управување.

 

 

 

Нашата земја е членка на иницијативата од 2011 година и има усвоени шест национални акциски планови (во 2012, 2014, 2016, 2018, 2021 и 2024 година). Координатор на владините активности за Партнерството за отворена власт е Министерството за информатичко општество и администрација.

 

 

Министерот Минчев учествуваше на министерски панел во рамките на регионалниот состанок посветен на Партнерство за отворена власт

Posted on by Daniel K.

Тирана, Албанија, 14 ноември 2024 година

Министерот за јавна администрација Горан Минчев, учествуваше на министерски панел во рамките на регионалниот состанок посветен на Партнерството за отворена власт (ПОВ), кој се одржува во Тирана, Албанија.
Настанот е организиран од Партнерството за отворена власт и Владата на Република Албанија, во соработка со Регионалната школа за јавна администрација (РеСПА).
Во своето излагање, министерот Минчев ги истакна придобивките на Република Македонија која како членка на иницијативата за Партнерството за отворена власт од 2011 година, значително придонесе за промовирање на транспарентноста, отчетноста и граѓанското учество во јавните политики. „Задоволство е да се биде дел од овој Регионален состанок посветен на Партнерството за отворена власт, иницијатива која направи видливи разлики во нашите општества и претставува инспирација за изнаоѓање на иновативни решенија за новите предизвици пред кои сме исправени,“ – истакна министерот Минчев.
Во однос со напорите на Република Македонија во областа на антикорупциските политики и градењето на доверба во институциите, министерот потенцираше дека реформата на јавната администрација е основа за ефикасно и одговорно владеење.
„Нашата заложба е насочена кон создавање модерна, професионална и транспарентна администрација, каде што административните службеници работат одговорно и се посветени на обезбедување квалитетни услуги за граѓаните,“ нагласи министерот Минчев, додавајќи дека донесувањето на новите законски решенија се одвива преку инклузивен процес во соработка со граѓанското општество и експертската заедница, што придонесува за намалување на корупцијата и зголемување на отчетноста.
Како посебен успех, министерот Минчев ја издвои подготовката на шестиот Национален акциски план за Партнерство за отворена власт за периодот 2024-2026 година.
„Оваа година, во процесот на креирање на Националниот акциски план активно учествуваа претставници од граѓанскиот и јавниот сектор. Планот е насочен кон транспарентност, отчетност и содржи
посебни заложби за отворена влада, отворен парламент и отворено судство”,“ – посочи министерот Минчев.
Министерот Минчев ја истакна и важноста на постојаната соработка со граѓанските организации и граѓаните во справувањето со актуелните предизвици и унапредувањето на доброто управување. Тој нагласи дека Владата на Република Македонија организира редовни јавни консултации и дебати, преку кои се создаваат можности за граѓаните да дадат свој придонес во процесите на креирање јавни политики.
„Владата работи на одржување на транспарентен и инклузивен дијалог со сите засегнати страни, што овозможува поголема отчетност и креативност во решавањето на сложените предизвици,“ – изјави министерот.

Ова учество на министерот Минчев во регионалниот состанок на ПОВ дополнително го потврди ангажманот на Република Македонија за развој на инклузивно и отчетно општество, преку продлабочена соработка со граѓанското општество и активно вклучување на граѓаните во јавните политики.

Одржана втора седница на Советот за координација и следење на процесот на Партнерството за отворена власт 2024-2026 година

Posted on by Daniel K.

Скопје, 5 јуни2024

На 5 јуни 2024 година се одржа втората седница на Советот за координација и следење на процесот на Партнерството за отворена власт 2024-2026 година. На седницата беа разгледани, дискутирани и ставени на гласање клучни прашања за функционирањето на Советот, како усвојување на Деловникот за работа на Советот и избор на ко-претседатели на Советот. Членовите на Советот беа информирани за тековните состојби за Партнерството за отворена власт (ПОВ) на национално и глобално ниво.

На седницата активно учество земаа 14 членови и  1 заменик член на Советот – претставник на органите на државната власт. Гордана Гапиќ Димитровска, национален координатор за ПОВ на Република Северна Македонија имаше улога на организатор и претседавач на оваа седница.

По усвојувањето на предлог-дневниот ред и усвојувањето на записникот од Конститутивната седница на Советот одржана на 17.05.2024 година, членовите на Советот го разгледаа и усвоија и Деловникот за работа на Советот.

Членовите на Советот во текот на седницата ги избраа и двајцата ко-претседатели на Советот – еден од членовите кои ги претставуваат органите на државната власт и еден од членовите кои ги претставуваат граѓанските организации. Од номинираните претставници од институциите и од граѓанските организации, Советот едногласно ги изгласа своите ко-претседатели: Гордана Гапиќ Димитровска од Министерство за информатичко општество и администрација и Герман Филков од Центарот за граѓански комуникации.

* * *

Советот за  координација и следење на процесот на Партнерството за отворена власт 2024-2026  е советодавно тело за Партнерство за отворена власт на Република Северна Македонија, за координација и следење на развојот и спроведувањето на акциските планови, со клучна советодавна и одлучувачка улога во сите фази на процесот на Партнерство за отворена власт, низ циклусот на планирање, во развојот на акциските планови и во спроведувањето, следењето и известувањето за акциските планови.

Советот за Партнерството за отворена власт е составен од 16  члена со еднаков број членови од институциите на државната власт и од граѓанското општество.

Советот за координација и следење на процесот на партнерството за отворена власт и Работната група за спроведување на Националниот акциски план за партнерство за отворена власт, формирани со решение од страна на министерот за информатичко општество и администрација ја претставуваат структурата за координација, следење и спроведување на процесот на Партнерство за отворена власт во Република Северна Македонија.

Партнерството за отворена власт е доброволна меѓународна иницијатива која цели кон обезбедување конкретни заложби од страна на владите кон нивните граѓани за да промовираат транспарентност, да го поттикнат граѓанското учество, борбата против корупцијата и искористувањето на новите технологии со цел да се зајакне доброто владеење/управување.

Нашата земја е членка на иницијативата од 2011 година и има усвоени шест национални акциски планови (во 2012, 2014, 2016, 2018, 2021 и 2024 година). Координатор на владините активности за Партнерството за отворена власт е Министерството за информатичко општество и администрација.