Со новиот закон за СКСИ се овозможуваат барањата наведени во заложбата. Имено согласно со одредбите од новиот ЗСКСИ анкетниот лист и изјавата за интереси се спојуваат во еден Образец за пријавување имотна состојба и интереси. Согласно со член 119 став 5од новиот ЗСКСИ ДКСК во рок од 60 дена од денот на нејзиното конституирање ќе ја пропише формата и содржината на новиот образец за имотна состојба и интереси. Исто така, согласно новиот закон е предвидено Образецот да се доставува до ДКСК електронски и во печатена форма.

Државната комисија за спречување на корупцијата во Јуни 2019 година, со експертска помош, ја утврди содржината на новиот Образец. За негова формална примена потребно е изготвување на софтверско решение за електронско пополнување и доставување на образецот.

Пристап до Регистарот на избрани и именувани лица е овозможен, меѓутоа постојат низа недостатоци кои практично ја усложнуваат или прават недоволно корисна неговата функција.

Пристапот до податоци е ограничен во однос на пребарувањето и прегледноста на регистарот. Пребарувањето по збор во полето означено со „Пребарај обрасци“ е овозможено само за име и презиме. Пребарувањето со користење дел од името на институција не е овозможено преку опцијата „Пребарај обрасци“.

Регистарот на избрани и именувани лица нема „историја на промени“ која дозволува преглед за почетокот и крајот на извршувањето на функцијата на секое избрано и именувано лице. Постоењето „историја на промени“, односно историски податоци за промените на информациите за секој од записите, овозможува анализа на промените кои настанале, а исто така овозможува оценување на веродостојноста и актуелноста на податоците за одреден запис.

Во регистарот не се имплементирани аналитички извештаи кои можат да ја олеснат работата на одделението за аналитика.

Нема можност да се зачува целата база на податоци со цел да се прави компјутерска анализа/ обработка на податоците.

Регистарот не е достапен во формат на отворени податоци.

Со поддршка на USAID NMSI , ангажиран е експерт кој во консултација со ДКСК изготви анализа за практичната примена на Регистарот и неговата функционалност.

Потребно е редизајнирање на Регистарот на избрани и именувани лица и механизам за следење на неисполнетите обврски од страна на институциите. Досегашната пракса укажува дека ДКСК не го користи дадениот мандат за поттикнување и поведување постапка за санкции на институциите кои не ги исполнуваат обврските. Затоа потребно е ДКСК да развие механизми за следење на неисполнување на обврските што произлегуваат од надлежноста за водење на Регистарот на избрани и именувани лица. Исто така ДКСК да преземе чекори за надградба на апликацијата на регистарот и да обезбеди можност за користење на тие податоци од страна на правни или физички лица за создавање нови информации, содржини, апликации или услуги. Исто така во регистерот е потребно да се имплементираат аналитички извештаи кои можат да ја олеснат работата на одделението за аналитика.

Врз основа на анализата е констатирано дека е потребно изготвување на нов Регистар на избрани и именувани лица, наместо надградба на постојното софтверско решение.

За ставање на функција на електронското пријавување на имотната состојба и интересите потребно е изготвување на ново софтверско решение во кое ќе се имплементираат законските измени и ќе придонесе за спроведување на ефективна анализа на поднесените обрасци како и проверка на податоците од електронски поднесените обрасци преку системот за интероперабилност. Со помош на ова софтверско решение ќе се олесни работата на одделенијата за имотна состојба и судир на интереси кои преку ова софтверско решение ќе можат да ги вршат своите проверки електронски и во поголем обем поради пристапот до базите на повеќе институции опфатени од системот за интероперабилност.

Сепак за развивање и инсталирање на новото софтверско решение неопходно е исполнување на неколку предуслови: обезбедувањеили адаптација на соодветни простории на ДКСК каде би се инсталирала новата ИТ опрема на која би се инсталирало и новото софтверско решение за електронско пополнување на Образецот за имотна состојба и интереси.

Со изготвување на новото софтверско решение за електронско поднесување на обрасците на надворешните корисници (било кое физичко или правно лице) ќе им овозможи детален преглед на обрасците за имотна состојба и судир на интереси со историски преглед кои ќе можат да ги превземат во електронска или печатена форма. Бидејќи обрасците ќе се поднесуваат електронски, времето за обработка и објавување на веб страницата ќе се скрати значително.

Првиот состанок помеѓу претставници на МТСП и ЗГ Љубезност беше одржан на 24.10.2018 година при што беше договорено да се почне со активности за мапирање  на територијата на Град Скопје, кои понатаму би се прошириле на целата територија на Р.С. Македонија.

Во таа насока, со цел успешна проекција и реализација на активностите, а пред се точно дефинирање на целните групи кои ќе бидат мапирани, како и начинот на организација на активностите, беа одржани 3 работни состаноци со преставници на релевантните институции и организации од областа, и тоа, покрај МТСП и ЗГ Љубезност беа вклучени претставници од ЈУ Завод за социјална дејност, ЈУ МЦСР Скопје, Град Скопје – Сектор за детска, социјална и здравствена заштита, ЗГ ПАБЛИК, Црвен Крст на Град Скопје, на ден 8.11.2018, 15.11.2018 и 18.12.2018 година.

Имајќи предвид дека од одржаните состаноци произлезе потребата од координација на процесот во рамки на ЈУ МЦСР Скопје, во меѓувреме се одржа состанок помеѓу преставниците на МТСП со директорот и одговорните лица на ЈУ МЦСР Скопје, при што е назначено лице од ЈУ МЦСР Скопје одговорно за собирање на податоците и координирање на актвностите помеѓу вклучените субјекти.

Во интерес на потребата од ефикасно собирање на потребните информации во однос на дефинираните ранливи категории, на ден 1.2.2019 одржан е состанок помеѓу преставници на ЗГ Љубезност, ЈУ МЦСР Скопје и МТСП, при што се дефинирани потребните податоци кои ќе бидат побарани од секој вклучен субјект во процесот, како и формата на самата табела.

Во тек е прибирањето на потребните податоци во соработка со ЗГ Љубезност, Црвен крст на Град Скопје, како и ЈУ МЦСР Скопје и останатите вклучени субјекти во процесот.

13.03.19 одржана е поширока средба на која покрајпретставниците на МТСП и ЗГ Љубезност, присуствуваа и ЈУ МЦСР-Скопје, Црвен крст на град Скопје и град Скопје. Дискутирано е во однос на формата и начинот на внесување на податоци во Excel табелата.

21.03.2019 во просториите на Црвен крст на град Скопје, одржана е уште една работна средба, на која беа присутни и општинските организации на Црвен крст. На истата од страна на Црвен крст е презентиран нивниот модел на прибирање податоци заради усогласување и понатамошно поефикасно координирање на активностите. Во текот на наредниот период се одржани неколку  работни средби помеѓу претставници  на МТСП, ЗГ Љубезност и ЈУ МЦСР-Скопје, во насока на подобрување на функционалноста нa самата база на податоци како и начинот на прибирањето на истите.

Во истиот период е доставен и допис до општините на Град Скопје заради вклучување со свои претставници во понатамошните  активности од заложбата.

Во текот на месец ЈУНИ  направено е усогласување на податоците од базата, корекција на понудените опции во самите зададени параметри согласно со донесениот Закон за социјална заштита, по што финалната табела е дадена на понатамошна надлежност и прибирање на податоци од страна на назначениот претставник од ЈУ МЦСР Скопје.

Следен состанок, во поширок состав вклучително и со претставници на општините, е закажан на 17.10.2019 година на кој ќе биде дискутирано во однос на посточките проблеми околу доставување на податоците до ЈУ МЦСР Скопје. На истиот ќе се дискутира во однос на потребата од поактивно вклучување на сите субјекти на локално ниво, како и можноста за одржување на засебни состаноци и презентации на заложбата кон сите потенцијално собирачи на податоци.

• Следната средба се одржа на 31.10.2019 во просториите на МТСП во поширок состав со вклучување н и на локалната власт, односно беа присутни преставници од МТСП, Влада на РСМ, Љубезност, Заводот за социјална дејност, ЈУМЦСР, Град Скопје, Општина Центар, Општина Карпош, Општина Аеродром, Црвен Крст и Паблик.

Заклучоци:

1. После секоја поголема активност од страна на било која организација, податоците за доставената донација веднаш да се пратат до одговорното лице во ЈУМЦСР
2. Excel – табелата празна од страна на одговорното лице при ЈУ МЦСР-Скопје, да се достави како формат до сите вклучени субјекти во овој процес со цел истите да ја пополнуваат и навремено да ја доставуваат.
3. Од страна на ЗГ Љубезност да се направи посета на сите општини, со цел презентација на excel –табелата, кратка обука за начинот на пополнување и содржината на податоците, за да комплетно се достават до одговорното лице при ЈУ МЦСР-Скопје.
4. Собирањето податоци како и мапирањето и во следниот период ќе се продолжи со исто темпо.
5. Согласно Законот за заштита на лични податоци да се разгледа правната можност односно потребата од потпишување на писмена изјава на записник од нивна страна при мапирање на истите на терен , за да се користат нивните податоци во интерес на остварување на правата од Законот за социјална заштита.
6. Со оглед на тоа дека сме ограничени со временската рамка за спроведување на заложбата истите активности треба да се отпочнат веќе наредниот период односно најдоцна од средина на месец Ноември.

– Средба во Општина Карпош 28.11.2019

– Средба во Општина Центар 02.12.2019

– Средба во Општина аеродром 19.12.2020

На средбите е:

презентирана заложбата

презентиран екселот

дискусија околу пополнувањето

• Средба во Државен завод за статистика 17.01.2020

Присутни Директорот Апостол Симовски со четворица од тимот и по еден преставник од Љубезност, МТСП и ЈУМЦСР Скопје, во продолжение резултатите:

Искажана импресија заради нашата определба како работна група, да ги запознаеме со заложбата, плановите и да побараме нивна поддршка во процесот на креирање на Регистарот за бездомници и социјално загрозени.

Искажана потреба за постоење на ваков Регистар како дополнителна алатка во детектирањето на Бездомниците при реализирање на пописните активности,

Детектирањето на „Фантомите“  на терен и евидентирањето во оваа база на податоци, а веднаш потоа и решавањето на нивниот статус со вадење на документи, ќе го олесни процесот на попишување на истите.

Понудена поддршка во делот на подобрување на алатката со вметнување на сите корекции кои претходно ги разгледувавме, споделување на Шифрарник за да може соодветно да се кодираат дел од податоците, понуди преставник од IT секторот на ДЗС како преставник во работната група во целиот процес и секоја друга потреба за поддршка што ќе произлезе во следниот период од самиот процес на креирање на Регистарот.

• Со почетокот на пандемијата, од Март до Јули 2020 год. немавме никакви средби на усогласување и подобрување во процесот, освен продолживме со мапирање на терен, запазувајки ги сите мерки и протоколи со настанатата ситуација.

• Средба на ZOOM 17.07.2020 на преставници од Љубезност, МТСП, ЈУМЦСР, ЗСД, ДЗС, ГРАД СКОПЈЕ како и од приватната IT компанија ГРАБИТ од Скопје со цел преставникот од Грабит се запознае со заложбата со детектирање на сите сугестии од сите чинители, за да може да ни помогне во пишување на апликативен текст со соодветен IT вокабулар, за да можеме во следен период да аплицираме на повици за изработка на софтверско решение за Регистерот.

• Средба во просториите на Љубезност на преставници на Љубезност, МТСП, ЈУМЦСР и ЗСД каде што преставниците од ЗСД (Завод за социјална дејност) ги изложија своите сугестии и забелешки за да се вметнат во самата Ексел алатка за истата да се подобри.

• Средба во просториите на ДЗС (Државен завод за статистика) на преставници од Љубезност, МТСП, ЈУМЦСР, ЗСД и ДЗС, каде што преставниците од ДЗС ги споделија своите сугестии и забелешки за да се подобри Ексел алатката.

Во следниот период операторот од ЈУМЦСР треба да ги земе во предвид сите сугестии и забелешки од сите чинители и да ги имплементира во самата Ексел алатка. Исто така во следен период, потоа да се направи средба со работната група за да се презентираат сите настанати промени и согласно можностите треба да се направи повторна средба со компанијата ГРАБИТ, со цел да им се дадат сите потребни информации за да можат да го концепираат текстот за идно аплицирање

Започнати активности за координација на активностите само во рамки на територијата на Град Скопје и прибирање на податоци за детектирање на потребите на целната група. Имено, согласно последниот состанок, ЗГ Љубезност започна со посети на општините и здруженијата со цел презентација подетална на самата заложба , со кратка презентација на Excel – табелата која како уникатен формат треба да се пополнува со податоци и тоа во општина Карпош, Центар ,Аеродром, а побарана е средба и во општина Кисела Вода.

По успешно спроведување на планираните активности за координација на територија на Град Скопје, предвидено е активностите да се прошират на целата територија на државата.